«100 naqty qadam» - Ult josparynda kórsetilgen meritokratiia qaǵidasyna sáikes QR Prezidenti Ákimshiliginiń kelisimimen jáne ákimniń ókimimen Baqytjan Haberuly Narymbetov BQO ákiminiń orynbasary bolyp taǵaiyndaldy, dep habarlaidy "Ult aqparat".
BQO ákiminiń baspasóz qyzmetinen túsken málimetke qaraǵanda, Baqytjan Narymbetov 1986 jyly dúniege kelgen.
Bilimi joǵary. 2007 jyly Ál-Farabi atyndaǵy Qazaq ulttyq ýniversitetin, 2012 jyly QR Prezidenti janyndaǵy Memlekettik basqarý akademiiasyn támamdaǵan.
Ár jyldary Oral qalasy ákimi apparaty aqparattyq taldaý jumystary jáne halyqaralyq yntymaqtastyq bóliminiń bas inspektory, osy bólimniń basshysy, Oral qalalyq ishki saiasat bóliminiń basshysy, BQO ákimi apparaty uiymdastyrý-inspektorlyq jumystar bóliminiń bas inspektory, BQO ákimi apparaty strategiialyq damý bóliminiń basshysy, BQO ishki saiasat basqarmasynyń basshysy, QR Qoǵamdyq damý ministrligi Azamattyq qoǵam isteri komiteti tóraǵasynyń orynbasary boldy.
2019 jyldyń qańtarynan beri Oral qalasy ákiminiń orynbasary qyzmetin atqardy.
