Foto: gov.kz
Batys Qazaqstan oblysy ákiminiń birinshi orynbasary jemqorlyqpen ainalysty degen kúdikke ilindi, dep habarlaidy "Ult aqparat" Antikor baspasóz qyzmetine silteme jasap.
Sybailas jemqorlyqqa qarsy qyzmet Batys Qazaqstan oblysy ákiminiń birinshi orynbasaryna qatysty tergeýdi aiaqtaǵan.
Ol «Aqjaiyq» ÁKK» AQ Basqarma tóraǵasynyń birinshi orynbasaryna onyń senim bildirilgen adamdarymen jumysty naqty oryndamai-aq óteýli qyzmetter kórsetýdiń jalǵan sharttaryn jasasý týraly zańsyz nusqaý berý arqyly laýazymdyq ókilettikterin teris paidalandy degen kúdikke ilingen.
"Zańsyz áreketterdiń nátijesinde memleketke aitarlyqtai ziian keltirildi.
Kúdiktini protsessýaldyq ustaý kináni tolyq moiyndaýǵa bailanysty qoldanylmady. Qylmystyq is jedeldetilgen tártippen aiaqtalyp, sotqa joldandy.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi" - delingen vedomstvo habarlamasynda.
