©RIA Novosti
Batys Qazaqstan oblysynyń ákimi Ǵali Esqaliev reseilikter men ýkrainalyqtardyń aimaqqa jappai kelýine bailanysty azamattardyń alańdaýshylyǵyna qatysty pikir bildirdi, - dep habarlaidy Tengrinews.kz agenttigi.
"BAQ Resei men Ýkrainadan kelgen migranttar kóbeigeni týraly jazyp jatyr. Bul máseleler qoǵamdy alańdata bastady, olar aimaqtyń ekonomikasyna, eńbek naryǵyna jáne halyqtyń jaǵdaiyna qalai áser etedi" - dep surady jýrnalist.
Ákim kóshi-qon qyzmeti bul másele boiynsha derekterdi ai saiyn keltirip otyratynyn aitty.
"Byltyrǵy bes aimen salystyrǵanda, Resei azamattarynan turýǵa yqtiiarhat suraǵandar sany 25 adamǵa ǵana artqan. Aitarlyqtai ósim bolǵanyn kórip turǵan joqpyz. Ýkraina azamattaryna qatysty da aitarlyqtai ósim baiqalmaidy", - dep sendirdi ákim.
Alaida ol Resei azamattary biznes úshin batys aimaqtarǵa jappai kele bastaǵanyn aitty.
"Bizneske bailanysty úlken ózgerister bar, iaǵni jeke nemese saýda boiynsha shekaradan ótetin adamdarǵa qatysty. Bul jerde úlken ósim baiqalady, al bul shekaralas óńirler arasynda taýar ótkizý boiynsha jumys jandanǵanyn bildiredi. Turǵyndardyń bizdiń óńirge kóshýine keletin bolsaq, qazir mundai problemany kórip otyrǵan joqpyz", - dep atap ótti ákim.
