Eýroodaqtyń halyqaralyq qatynas jónindegi keńes basshysy Richard Natan Haas Miýnhen konferentsiiasynda prezident Qasym-Jomart Toqaevtan Qazaqstannyń Resei men Qytaimen araqatynasy týraly surady. Memleket basshysy bul eki el de Qazaqstannyń strategiialyq seriktesi ekenin aitty.
"Bizdiń Qytaimen qarym-qatynasymyz keremet. Ortaq shekaramyz 1 700 shaqyrymdy quraidy. Qytaidyń Qazaqstanda ǵana emes, tutas Ortalyq Aziiada is júrgizýge qarjylyq múmkindigi bar. Koronovirýs shyqqanǵa deiin solai bolatyn", - dedi Toqaev. Bul týraly "Astana" telearnasy habarlady, dep jazady Sputnik agenttigi.
Sonymen qatar, Prezident Qazaqstan men Ortalyq Aziia únemi jahandyq geosaiasattyń basty nazarynda qala beretindigine senim bildirdi.
Toqaevtyń sózinshe, Resei men Qazaqstan álemdegi eń uzyn ortaq shekaraǵa ie.
"Sondyqtan, Resei de bizdiń strategiialyq seriktesimiz", - dep málimdedi Memleket basshysy.
Toqaev nemis biznesmenderine ne aitty
Qazaqstan Prezidenti Germaniiaǵa sapary aiasynda nemistiń iri biznes ókilderimen kezdesip, olardy Qazaqstanǵa shaqyrdy. Elimizde sheteldik kásipkerler úshin arnaiy salyq rejimi engizilip, investitsiiaǵa qolaily jaǵdai jasalyp otyr.
"Qazirgi kezde Qazaqstan úshin ekonomikany diversifikatsiialaý óte mańyzdy. Sondyqtan biz álemniń aqyldy adamdary Qazaqstanǵa kelip, ekonomikalyq áleýetti ósirýge kómekteskenin qalaimyz", - dedi Toqaev.
Búginde Qazaqstan men Germaniia arasynda ónerkásip, ekonomika jáne ǵylym salasynda 35 kelisimshartqa qol qoiylǵan.
Aita ketsek, sońǵy úsh aida Qasym-Jomart Toqaev Germaniiaǵa resmi saparmen ekinshi ret baryp otyr.
