Memlekettik basqarý salasyna arnalǵan baǵdarlamalardyń trenerleri - otandyq jáne sheteldik jetekshi sarapshylar. Bul týraly QR Prezidenti janyndaǵy Memlekettik basqarý akademiiasynyń rektory Erlan Ábil aitty, dep habarlaidy QazAqparat.
Aita keteiik, búgin Ortalyq kommýnikatsiialar qyzmetinde Prezidenttik jastar kadr rezervine irikteý qorytyndysy jariialandy.
«Ózińdi úzdiksiz damytyp otyrý - jetistikke jetý men eńbekke qabiletti bolýdyń kepili bolady. Qatysýshylarda ózderiniń damý deńgeiin kórý múmkindigi boldy. Ár rezervshi kezeń saiyn qandai nátije kórsetkeni týraly esep alyp otyrdy, bul qurǵan jospardyń damýynyń negizi bola alady», - deidi Erlan Ábil.
Onyń aitýynsha, kadr rezervindegi kandidattar QR Prezidenti janyndaǵy Memlekettik basqarý akademiiasy jáne basqa da uiymdarda biliktilikterin arttyra alady.
«Biz memlekettik basqarý salasyna arnalǵan »Oilaý dizainy«, »Emotsionaldy intellekt«, »Strategmialyq menedjment«, »Jobalyq menedjment«, »Biznes protsesterdi júzege asyrý« jáne taǵy da basqa treningter jobasyn jasadyq. Bul týraly Akademiianyń saitynan kórýge bolady. Bul baǵdarlamalardyń trenerleri - otandyq jáne sheteldik jetekshi sarapshylar. Olardyń kásibi deńgeileri joǵary. Rezervtegiler osy treningterdiń birin tańdap, kásibi biliktiligin arttyratyn bolady», - deidi ol.
Finalǵa 13 myńnan astam adam ótinim berip, 330-y iriktelgen. Ulttyq komissiia otyrysynyń qorytyndysy boiynsha 300 úmitker Prezidenttik jastar kadr rezervine alyndy.
