Elimizde kolledj jáne joǵary oqý oryndarynyń stýdentteri úshin oqý jyly negizinen qashyqtan oqytý formatynda bastalady, dep habarlaidy "Ult aqparat".
QR Bilim jáne ǵylym ministrliginiń Telegram paraqshasynda jariialanǵan aqparatqa sáikes, pedagogikalyq, IT, áleýmettik, gýmanitarlyq baǵyt stýdentteri qashyqtan oqidy. Tehnologiialyq, agrarlyq baǵyttar, meditsina jáne óner mamandyqtarynyń stýdentteri ishinara qashyqtyqtan bilim alady. Dáris jáne seminar sabaqtary onlain ótse, zerthanalyq sabaqtar jáne óndiristik tájiribe dástúrli formatta júrgiziledi.
Alys aýyldyq jerlerde jáne shaǵyn qalalarda ornalasqan 102 kolledj shtattyq rejimde jumys isteidi. Bir toptaǵy stýdent sany 15-ten aspaityn bolady (birneshe top qurylady).
Joǵary oqý oryndarynda stýdentter negizinen qashyqtan oqytý formatynda bilim alady. Pedagogikalyq ǵylymdar, IT, áleýmettik jáne gýmanitarlyq baǵyttar qashyqtan oqidy.
Tabiǵi, tehnikalyq jáne agrarlyq baǵyttar, meditsina jáne óner mamandyqtary boiynsha dárister men seminarlar onlain, zerthanalyq jáne praktikalyq sabaqtar shtattyq rejimde ótkiziledi.
Al magistratýra men doktorantýra sabaqtar ishinara qashyqtyqtan oqytylady. Internatýra men rezidentýrada oqý dástúrli formata júretin bolady.
