Biylǵy 8 aida Aqtaý jáne Quryq teńiz porttary arqyly 3,8 mln. tonnadan astam júk tasymaldandy.
Bul ótken jyldyń sáikes kezeńindegi kórsetkishke teń, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, júk kólikteri men konteinerlerge tieýde ósim baiqalady. Otandyq saýda floty 8 aida Kaspii teńizindegi porttar arasynda 1,5 mln tonna júk, onyń ishinde Aqtaý-Baký fiderlik jelisi boiynsha shamamen 9 myń birlik konteiner tasymaldady.
«8 aida ishki sý joldary boiynsha júk tasymaldaý kólemi shamamen 1,3 mln tonnany qurasa, onyń shamamen 200 myń tonnasy Resei baǵytynda tasymaldandy»,-delingen habarlamada.
