Biylǵy jyldyń 10 aiynyń qorytyndysy boiynsha shikizattyq emes taýarlar eksportynyń kólemi $15,9 mlrd qurady. Bul - ótken jylǵy kórsetkishten de joǵary.
Bul týraly óziniń Facebook paraqshasynda QR Saýda jáne integratsiia ministri Baqyt Sultanov málim etti, dep habarlaidy QazAqparat.
Jelidegi jazbasynda ministr biylǵy jyly atqarǵan jumystarynyń nátijesi týraly baiandaidy.
«Jyldyń sońǵy aiy óte qyzyqty jáne nátijeli boldy. Kezdesýler, saparlar, kelissózder, jaqsy kelisimder óte kóp. Jaqyn bolashaqta biz osy jeltoqsan aiyndaǵy barlyq kelissóz nátijelerinen jaqsy «qorytyndy» bolady dep úmittenemiz. Ótken jylǵy jetistikterimizge toqtalsaq, olar tiisti sharalar Resei, Ózbekstan, Tájikstan, Qyrǵyzstan, Ázerbaijan, Túrikmenstan, BAÁ, Irannyń birneshe aimaqtarynda ótti.
Saýda-ekonomikalyq missiialarynyń barlyq qatysýshylaryna (jáne biyl olardyń sany 250-den kóp) memleket ushyp qaitýymen men turýdy qamtamasyz etedi. Missiialar aiasynda uiymdastyrylǵan V2V kezdesýlerinde myńǵa jýyq áleýetti importtaýshylar qatysty.
Saýda-ekonomikalyq missiiasyna qatysqan kompaniialardyń bir bóligi-eksporttyq akseleratsiia baǵdarlamasynyń ótken jáne osy jylǵy túlekteri. Olardyń keibireýleri óz ónimderin Shanhai kórmesinde jáne Dýbai-EKSPO ulttyq stendinde usyndy. Bul da eksporttaýshylardy servistik qoldaýdyń bir bóligi», - deidi ministr.
Onyń sózinshe, memlekettik qoldaýdyń osy quralyn iske asyrýdyń qorytyndysy boiynsha quny $280 mln 62 kelisimshart jasaldy. Onyń ishinde $54 mln akselerator túlekterine tiesili. Azyq-túlik ónimderin satýǵa arnalǵan kelisimsharttardyń kópshiligi: tuz, un, et jáne et ónimderi, makaron, konserviler, bal, ósimdik maiy, sút untaǵy. Sondai-aq, mashina jasaý, metallýrgiia ónimderin jetkizýge, IT-qyzmetterge kelisimsharttar bar.
«Jalpy, eger kovidke deiingi jyldarmen salystyratyn bolsaq, onda biz saýda missiiasyn uiymdastyrýǵa jumsalatyn shyǵyndardy 2 esege jýyq qysqarttyq. Biraq sonymen birge olar saýda-ekonomikalyq missiiasyna qatysýshylarynyń sanyn jáne eksporttyq kelisimsharttardyń sany men kólemin arttyra aldy. Qorytyndy eksporttaýshylardy servistik qoldaýǵa jumsalatyn tikelei shyǵyndardyń 1 teńgesine taýar óndirýshiler kirisiniń 329,6 teńgesi tiesili boldy.
Jalpy, jyl jaqsy eksporttyq notada aiaqtalady. 10 aidyń qorytyndysy boiynsha biylǵy jyly shikizattyq emes taýarlar eksportynyń kólemi $ 15,9 mlrd.qurady, bul ótken jyl ishindegi shikizattyq emes eksporttan da kóp, jáne biz kovidke deiingi 2019 jyly álemmen saýda jasaǵanymyzdan da kóp. Jyl boiynsha jalpy nátijelerdi biz tek aqpan aiynda ǵana kóremiz, alaida, qarqyn saqtalatynyna senimdimin. Qyzmetter eksportymen birge (jáne ol birinshi jartyjyldyqta ósip, $2,7 mlrd qurady), meniń oiymsha, shikizattyq emes eksporttyń $25 mlrd kórsetkishine shyǵamyz dep oilaimyn», - deidi Baqyt Sultanov.
