Ishki ister ministri Erlan Turǵymbaev biyldan bastap serjanttar, kinologtar, ýchaskelik politsiia kómekshileriniń jalaqysy ósetinin aitty,dep habarlaidy QazAqparat.
«Kadr daiyndaý máselesine erekshe mán berilip otyr. Aldymen, vedomstvolyq bilim berý júiesi ózgerdi. 12 oqý ornynyń altaýy qaldy. Olar: Almaty, Qaraǵandy, Qostanai akademiialary, Aqtóbe zań institýty, sondai-aq Shymkent jáne Pavlodar oqý ortalyqtary. IIM Almaty akademiiasynda 2 fakýltet ashyldy. Basshylar men orta býyn basshylaryn daiarlaidy. Qosymsha reitingi joǵary oqý oryndarymen 33 memorandým jasaldy», - dedi E. Turǵymbaev Senattaǵy politsiia qyzmetine qatysty Úkimet saǵatynda.
Onyń aitýynsha, Prezident tapsyrmasy boiynsha qyzmetkerlerdiń jalaqysyn kezeń-kezeńmen kóterý bastaldy. Birinshi kezeńde, iaǵni 2021 jyldan bastap serjanttar, kinologtar, ýchaskelik politsiia kómekshileri, kúzet jáne basqa qyzmetterge jalaqy 3 jyl ishinde 15 paiyzdan 58 paiyzǵa deiin kóteriledi. Qalǵan qyzmetkerlerdiń jalaqysy osy kezeńde 30 paiyzǵa ósedi.
«Turǵyn úi úshin ótemaqy alatyn bólinister sany 27 paiyzdan 78 paiyzǵa deiin ósti. Endi 23 myń qyzmetker ótemaqy alatyn bolady», - dedi ministr.
