Úkimette kóktemgi dala jumystaryn júrgizýdi nesielendirý, týristik maýsym qarsańynda Alakól kóliniń jaǵasyna kólikterdiń qozǵalysyn qamtamasyz etý jáne biznestiń ózge de problemalyq máselelerin talqylandy. Bul týraly Úkimettiń baspasóz qyzmeti habarlady.
Bir mezette Almaty oblysy, Úsharal qalasyndaǵy jáne Shyǵys Qazaqstan oblysy Úrjar aýylyndaǵy eki áýejaidyń ushý-qoný jolaqtaryn (UQJ) qaita jóndeý máselesin QR Premer-Ministriniń birinshi orynbasary Álihan Smaiylovtyń tóraǵalyǵymen ótken kásipkerlik sýbektileriniń problemalyq máselelerin qaraý jónindegi apta saiynǵy jiynǵa qatysýshylar egjei-tegjeili talqylady.
Jóndeý jumystary Alakól kóliniń jaǵalaýyndaǵy jazǵy týristik maýsymnyń basynda bastalady. Osyǵan bailanysty Smaiylov aldaǵy jazǵy týristik maýsymǵa kedergi keltirmes úshin jóndeý jumystaryn kezeń-kezeńimen júrgizip, týristerdi qyzyqtyratyn jerlerge balama kólik bailanystaryn kóbeitýdi tapsyrdy.
Atap aitqanda, Indýstriia jáne infraqurylymdyq damý ministrligi Almaty jáne Nur-Sultan qalalarynan Alakól baǵytynda poiyzdar men qosymsha tirkeme vagondar sanyn kóbeitý boiynsha jumystar júrgizýde. Biyl 17 maýsymynan bastap halyqtyń suranysyn qanaǵattandyrý úshin Almaty-Dostyq baǵytynda aptasyna 3 ret jańa jolaýshylar poiyzyn shyǵarý usynylady. Sondai-aq, jazda Nur-Sultan qalasynan qatynaityn jolaýshylar poiyzdarynyń qozǵalys mólsheri ulǵaitylady.
Almaty jáne Shyǵys Qazaqstan oblystarynyń ákimdikteri jaz maýsymyna daiyndyq boiynsha atqarylyp jatqan jumystar týraly esep berdi. Osylaisha, «Taldyqorǵan-Úsharal» (313,5 km) jáne «Úsharal-Dostyq» (180 km) respýblikalyq mańyzy bar avtomobil joldarynyń 493,5 shaqyrymyn qaita jańartý jáne salý jumystary jalǵasýda. Bul jobalardyń aiaqtalýy kól jaǵalaýyna týrister aǵynyn edáýir arttyrady. Alakólde qazirdiń ózinde áýe jáne temirjol bailanysynyń arqasynda bir maýsymda 1 mln astam adam demalady.
Kóktemgi egiske nesie berý máselesi boiynsha fermerlerdi qarjylandyrý naýryz aiynan bastap júrgizilýde, al óteý merzimi qarasha aiynda dep belgilendi. Tabiǵi-klimattyq jaǵdailardy eskere otyryp, ońtústik oblystardyń fermerlerine jeltoqsan-qańtar ailarynda kóktemgi egis jumystaryn (tuqym, janar-jaǵarmai, gerbitsidter, qosalqy bólshekter jáne t.b. satyp alý) júrgizý úshin qarajat qajet. Premer-Ministrdiń birinshi orynbasary kóktemgi dala jáne ónimdi jinaý jumystaryna qarajat bólý máselesin qańtar-aqpan ailarynda pysyqtaýdy tapsyrdy.
