Bilim ministrligi túlekter Ulttyq biryńǵai testileýge qatysý úshin onlain ótinishti qalai toltyrýy kerek ekenin aitty.
Biyl UBT-ǵa qatysý úshin 10 mamyrǵa deiin ent2020.testcenter.kz saitynda onlain ótinish tapsyrý kerek.
Vedomstvo jańa format qaǵaz qujattardan bas tartýǵa múmkin beretinin aitty.
Atalǵan portalda tirkeýden ótken kezde zańdy ókilderi 18 jasqa tolmaǵandar týraly aqparatty alyp, óńdeýge kelisim beredi.
Sondai-aq, tirkelý úshin elektrondy tsifrlyq qoltańba qajet emes ekeni aityldy.
Saýaldar boiynsha 8 800 080717 nómiri arqyly Ulttyq test ortalyǵynyń call-center-ine habarlasýǵa bolady. Sondai-aq info@testcenter.kz qyzmetine hat joldaýǵa da bolady.
UBT - 2020
Biyl ulttyq biryńǵai testileýde 11-synyptyń 4-toqsanynda ótken baǵdarlama saýaldary bolmaidy. Bul týraly Ulttyq testileý ortalyǵynyń direktory Didar Smaǵulov aitqan bolatyn.
Túlekter biyl karantin men tótenshe jaǵdaiǵa bailanysty sońǵy toqsandy qashyqtan oqydy. Sondyqtan osyndai jeńildik jasalyp otyr.
Ministrlik testileý maýsym aiynda dástúrli formatta ótetinin habarlady. Alaida vedomstvo koronavirýs jaǵdaiy ýshyqsa, qosymsha jospar qarastyrylǵanyn aitty.
