Osy jyldyń alǵashqy 2 aiynda Qazaqstanda 2020 jylǵa qaraǵanda 12,8 paiyzǵa kóp turǵyn úi paidalanýǵa berildi, dep habarlaidy QazAqparat.
«Statistikalyq málimetterge sáikes, 2021 jyldyń qańtar-aqpanynda turǵyn úi qurylysy boiynsha 1 893 000 m2-den astam turǵyn úi paidalanýǵa berildi, bul 2020 jyldyń sáikes kezeńindegi kórsetkishten 12,8 paiyzǵa artyq. Respýblikada barlyǵy 15 807 turǵyn úi paidalanýǵa berildi, onyń 5 487-si jeke úi bolyp sanalady», - delingen QR IIDM málimetinde.
2021 jyldyń qańtar-aqpan ailarynyń qorytyndysy boiynsha turǵyn úidi paidalanýǵa berý kóleminiń artýy barlyq óńirlerde baiqalady:
Atyraý (225,7%), Qostanai (123,5%), Pavlodar (119,3%), Aqtóbe (118,7%), Mańǵystaý (114,1%), Qaraǵandy (113,6%), Batys Qazaqstan (112,6%), Atyraý (112,4%), Soltústik Qazaqstan (111,4%), Aqmola (110,6%), Shyǵys Qazaqstan (107,9%), Jambyl (102,8%)), Qyzylorda (101,9%), Almaty (101,6%), Túrkistan (101,5%) oblystary men Shymkent qalasy ( 456,5%), Almaty (110,9%) jáne Nur-Sultan (106,4%) qalalary.
Sonymen birge turǵyn úi qurylysyna investitsiialar 231,2 mlrd teńgeni qurady, bul ótken jylmen salystyrǵanda 36,5 paiyzǵa joǵary.
