Biyl memlekettik qyzmetshilerdiń jalaqysyna biýdjetten qosymsha 20 milliard teńge bólinedi. Osylaisha, memqyzmetshilerdiń jalaqysyna 1,32 trillion teńge, al olardyń meditsinalyq saqtandyrýyna 8,6 milliard teńge bólinbekshi, - dep habarlaidy Energyprom sarapshylary.
2016 jyly memlekettik sektor qyzmetkerleriniń jalaqysyna bólingen qarajat 18 paiyzǵa ósip, 1,30 trillion teńge bolǵan. Al biyl biýdjetten 1,32 trillion teńge bólinbekshi. Onyń 1,2 trillion teńgesi - eńbekaqy, 112 milliard teńge - ótemaqylyq tólemder, 7 milliard teńge qosymsha aqshalai tólemder men 242 million teńge mindettelgen zeinetaqy jarnasy.
Sarapshylardyń málimetinshe, jalpy qordaǵy qarajattyń 22 paiyzy memlekettik sektordyń úlesi. Iaǵni, onyń shamamen 12,4 milliard teńgesi (0,9 paiyzy) memlekettik basqarmadaǵy qyzmetkerlerge tiesili.
Búginde elimizde 98 900 memlekettik qyzmetker bar, olardyń 53 000-y ortalyq organdarda jumys istese, 46 000-y jergilikti atqarýshy organdardaǵy memlekettik qyzmetkerler.
Alaida memqyzmetkerlerdiń jalaqysynyń ósýi salyq jáne basqa da aýdarymdardyń 25 paiyzǵa ósýine áser etip otyr. Osylaisha, memlekettik sektor 2017 jyly qazynadaǵy qarajatty 9 paiyzǵa kóbeitip, 110,8 milliard teńgege jeted
