Búgin halyq aldynda esep berý kezdesýinde QR Densaýlyq saqtaý ministri Aleksei Tsoi biyl meditsina salasyndaǵy engiziletin biregei tehnologiialardy atady, dep habarlaidy "Ult aqparat".
«Densaýlyq saqtaý júiesiniń mamandary jańa meditsinalyq tehnologiialardy izdestirý men engizýdi turaqty negizde júrgizedi. Qazaqstanda meditsinanyń birqatar baǵyty halyqaralyq deńgeide tabysty básekelese bastady. Bizdiń elimizde joǵary tehnologiialyq meditsinalyq kómektiń (JTMK) 78 túri boiynsha halyqqa qoljetimdilik qamtamasyz etilgen. Bul rette, 2020 jyly 10 myńǵa jýyq JTMK qyzmeti kórsetildi», - dedi Tsoi Ortalyq kommýnikatsiialar qyzmetinde.
Onyń aitýynsha, 2011 jyldan bastap elimizde organdardy transplantatsiialaý tehnologiialary belsendi engizilýde. 2020 jyly 112 transplanttaý jasaldy.
2020 jyly mynadai biregei tehnologiialar engizildi:
- 3D basyp shyǵarý tehnologiiasy boiynsha jeke úlgilengen jasandy omyrtqaly protezdi ornatý;
- bas súiek nervteriniń mikrovaskýliarlyq dekompressiiasy kezindegi endoskopiialyq assistentsiia.
«2021 jyly biz kelesi tehnologiialardy igerýdi jáne engizýdi josparlap otyrmyz: gamma-pyshaq apparatyn qoldanýmen ortalyq júieke júiesi aýrýlaryn emdeýdiń radiohirýrgiialyq ádisi, júrekishilik stimýliatordy transkateterlik implanttaý. Sonymen qatar, Semei qalasynda Iadrolyq meditsina ortalyǵynyń qurylysy aiaqtaldy. Ortalyqtyń tolyq qyzmet spektri aǵymdaǵy jyldyń maýsym aiynan bastap kórsetiletin bolady. Munymen qosa, Nazarbaev Ýniversiteti janynan Balalar kardiohirýrgiialyq ortalyǵyn ashý josparlanýda», - dedi ministr.
