2020 jyly Qazaqstanda qyzmetkerlerdi sertifikattaýdyń jańa júiesi synaqtan ótedi.
Bul týraly QR Eńbek jáne halyqty áleýmettik qorǵaý ministrliginiń keńeitilgen alqa otyrysynda vedomstvo basshysy Birjan Nurymbetov aitty, dep habarlaidy "Ult aqparat".
Birjan Nurymbetovtiń aitýynsha, Úkimet pen Eńbek ministrligi Ulttyq biliktilik júiesin qalyptastyrý boiynsha aýqymdy jumystar júrgizdi. Onyń negizgi elementteri qazirdiń ózinde qalyptastyryldy. Dúniejúzilik banktiń qarjylai qoldaýymen 2019 jyly 2784 mamandyq boiynsha 480 kásiptik standart bekitildi. Kásiptik standarttar negizinde bilim berý baǵdarlamalary jańartylatyn bolady. Áleýmettik jáne eńbek salasyn, onyń ishinde Ulttyq biliktilik júiesin odan ári damytý boiynsha usynystar men usynymdardy ázirleý úshin Ulttyq keńes quryldy.
«2020 jyly jańa sertifikattaý jáne qyzmetkerlerdiń biliktiligin taný júiesin ilki synaqtan ótkizý josparlanǵan. El Prezidentiniń sailaý aldyndaǵy baǵdarlamasynyń mindetterin iske asyrý úshin eńbek naryǵynda suranysqa ie jańa kásipter men quzyretterdiń atlasy ázirlenetin bolady. Atlas 9 basym sala boiynsha jańa, ózgermeli jáne talap etilmeitin kásipterdi biriktiredi», – dedi Birjan Nurymbetov.
Aita keterligi, basym salalarǵa munai-gaz, aýyl sharýashylyǵy, kólik jáne logistika, mashina jasaý, aqparattyq-kommýnikatsiialyq tehnologiialar, energetika, týrizm, qurylys, taý-ken metallýrgiiasy jatady.
