Jyl basynan beri kópbalaly otbasylar 69,2 mlrd teńge járdemaqy aldy. Bul týraly Eńbek ministrligi habarlady.
2021 jylǵy qańtardan naýryzǵa deiin kópbalaly otbasylarǵa beriletin memlekettik járdemaqy tólemderimen jalpy somasy 69,2 mlrd teńgege orta eseppen 437,2 myń otbasy qamtyldy. 2021 jylǵy naýryzda járdemaqynyń bul túrin 444,3 myń otbasy jalpy somasy 23,6 mlrd teńgege aldy.
Atalǵan memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deiingi kúndizgi bólimde oqityn stýdent balalary bar otbasylar tabysyna qaramastan úmitker bola alady.
2021 jyly tólem mólsheri balalardyń sanyna bailanysty 46 760 teńgeden (4 bala) 81 852 teńgege (7 bala) deiin saralandy, 8 balaǵa – 93 344 teńge, 9 balaǵa – 105 012 teńge, 10 balaǵa – 116 680 teńge, 11 balaǵa – 128 348 teńge, 12 balaǵa – 140 016 teńge, 13 balaǵa – 151 684 teńge, 14 balaǵa – 163 352 teńge, 15 balaǵa – 175 020 teńge, 16 balaǵa – 186 688 teńge.
Aita ketsek, kópbalaly otbasylarǵa olardyń kiristerin esepke almai beriletin jańa memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty sheńberinde engizilgen bolatyn.
