Biyl elimizdiń joǵary oqý oryndarynda oqityn múgedektigi bar talapkerler men jetim balalar tolyq memlekettik grantpen qamtamasyz etildi. Bul týraly ǴJBM joǵary jáne joǵary oqý ornynan keiingi bilim departamenti direktorynyń orynbasary Erjan Ámirbekuly brifingte málim etti, dep habarlaidy QazAqparat.
«Biyl memlekettik grant alý úshin 79 myńnan astam talapker ótinish joldady. Onyń basym kópshiligi ońtústik óńirlerden kelip tústi. Jeńimpazdardy anyqtaý arnaiy erejege sáikes júrgizildi. Aldymen UBT-da alǵan ball anyqtalady. Sondai-aq, Úkimet qaýlysyna sáikes, jeńildik alýǵa quqyly adamdar eskerildi. Bul oraida upailar teń bolǵan kezde, basymdyq «Altyn belgi» iegerlerine, respýblikalyq jáne halyqaralyq konkýrstar men olimpiadalardyń jeńimpazdaryna berildi. Biyl joǵary oqý oryndaryna túsetin jetimder men múgedektigi bar adamdar tolyq memlekettik bilim granttarymen qamtamasyz etildi», - dedi Ǵylym jáne joǵary bilim ministrligine qarasty vedomstvonyń ókili.
