QR Premer-Ministri Asqar Mamin mektepterde oryn jetispeýshiligi problemasyn sheshý, bilim sapasyn jaqsartý úshin qandai jumys júrgizilip jatqanyn aitty, dep habarlaidy QazAqparat agenttigi.
BAQ ókilderimen kezdesý barysynda Asqar Mamin bul máselede elimizde oryn alyp jatqan demografiialyq protsesterge jiti nazar aýdarý qajettigin basa atap ótti.
«Iaǵni, sońǵy 10 jylda týý kórsetkishi 2 esege artyp otyr. Soǵan orai oqýshy oryndarynyń sany múldem basqasha qalyptasqan. Osyǵan bailanysty bizge 5 jyldyń ishinde 1 myń mektep, jyl saiyn 200 mektep salý qajet», - dedi Úkimet basshysy.
Premer-Ministrdiń atap ótýinshe, elimizdiń bilim salasy investitsiialyq turǵyda tartymdy bola túsýde.
«Biyl 160 jekemenshik mektep salynady. Iaǵni, búginde jeke kapital kelip jatyr jáne bilim berý jobalaryn qarjylandyrýda. Olar óz investitsiialaryn jan basyna qarjylandyrý arqyly qaitaryp alady. Osyndai qarjylyq modeldi qalyptastyrý tiimdi bola túsýde. Mundai kóptegen model bar. Biyl biz shamamen 300 mektepti paidalanýǵa beremiz. Aldymyzda turǵan 5 jyldyń ishinde myń mektep salý mindetin oryndaimyz dep oilaimyn», - dedi ol.
Osy oraida Asqar Mamin bilim sapasyn da esten shyǵarmaý qajettigine basa nazar aýdartty.
