Biyl «Eńbek» memlekettik baǵdarlamasy sheńberinde 9,6 myńnan astam múmkindigi shekteýli adam jumysqa ornalasty, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Nátijeli jumyspen qamtý jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sheńberinde Qazaqstanda múmkindigi shekteýli 9,6 myń adam jumysqa ornalasty. Onyń ishinde turaqty jumysqa turǵandar - 3,9 myń adam.
2019 jylǵy 1 qyrkúiektegi jaǵdai boiynsha memlekettik baǵdarlamaǵa qatysýshylardyń quramyna múmkindigi shekteýli 10,8 myń adam engizildi, bul memlekettik baǵdarlamaǵa qatysýshylardyń jalpy sanynyń 3%-yn quraidy (402,8 myń adam).
Memlekettik baǵdarlamanyń baǵyttary boiynsha:
- qysqa merzimdi kýrstarmen 1 170 adam qamtyldy;
- «Bastaý biznes» jobasy boiynsha kásipkerlik negizderine oqytýmen 757 adam qamtyldy;
- 179 adam mikrokredit aldy, onyń ishinde 90 adam óz isin ashty;
- bos jumys oryndaryna – 3 851 adam jumysqa ornalastyryldy;
- áleýmettik jumys oryndaryna – 983 adam jumysqa ornalastyryldy;
- jastar praktikasyna – 440 adam jumysqa ornalastyryldy;
- qoǵamdyq jumys oryndaryna – 4 337 adam jumysqa ornalastyryldy.
Biyl memlekettik baǵdarlama aiasynda 16 myńnan astam adamdy jumysqa ornalastyrý josparlanýda.
Esterińizge sala keteiik, 2019 jyldyń birinshi jartyjyldyǵynyń qorytyndysy boiynsha Qazaqstanda 690,6 myń múgedek nemese halyqtyń jalpy sanynyń 3,7% – y, 424,4 myń eńbekke qabiletti jasta (61%), 106 myń adam jumys isteidi.
