Biyl qara metallýrgiia óndirisin arttyratyn 6 joba iske qosylady. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Qara metallýrgiiada biyl naqty kólem indeksi – 105 paiyz dep belgilengen. Onyń ishinde ferroqorytpa óndirisi 10,4, bolat óndirisi 17 jáne prokat óndirisi 19 paiyz artatyndyǵy josparlanyp otyr. Negizgi ekpin «ArselorMitall Temirtaý» jáne «Qazhrom» kásiporyndaryna túsedi. Biyl biz ferro-qorytpa, qurylys armatýralary, bolat qubyrlar, temir jáne marganets kenin qaita óńdeý óndirisin arttyrýǵa múmkindik beretin 6 jobany iske qosamyz», - dedi óńdeý ónerkásibin damytý jaiynda baiandaǵan ministr
Onyń atap ótýinshe, josparlanǵan ósimge qol jetkizý úshin múddeli memlekettik organdarmen jáne biznespen birlesip, otandyq kásiporyndardy shikizatpen qamtamasyz etetin retteýshi tetik ázirlenedi.
«2025 jylǵa qarai óndiris kólemi jylyna 4 mln tonna bolatqa jetkizilip, «ArselorMittal Temirtaý» kompaniiasynyń negizgi tehnikalyq qýatyn jańǵyrtý aiaqtalady. Salynatyn investitsiia kólemi - 1,3 trln teńge», - dedi Beibit Atamqulov.
