QR Premer-Ministri Asqar Maminniń tóraǵalyǵymen ótken selektorlyq Úkimet otyrysynda 2020 jylǵy qańtar-sáýirdegi QR áleýmettik-ekonomikalyq damý qorytyndysy jáne respýblikalyq biýdjettiń atqarylýy qaraldy. Ónerkásip salasynyń damýy týraly indýstriia jáne infraqurylymdyq damý ministri Beibit Atamqulov baiandady, dep habarlady "Ult aqparat" primeminister.kz saityna silteme jasap.
Osy jyldyń qańtar-sáýir ailarynda óńdeý ónerkásibiniń barlyq salalarynda oń dinamika baiqalýda.
Taý-ken óndirisi sektorynda quramynda altyn bar ken óndirý kóleminiń ósýi esebinen tústi ken óndirý 3,4%-ǵa ulǵaidy.
Temir kenin óndirýdiń ósýi ótkizý naryqtaryn dástúrli elderden QHR naryǵyna qaita baǵdarlaý esebinen 15,8% qurady. Endi júk tieý kólemi aiyna 700 myń tonnaǵa deiingi temir keni shikizatyn quraityn bolady. Kómir men lignit óndirý kólemi 102,1% qurady.
Óńdeý ónerkásibinde metallýrgiia, farmatsevtika, jeńil ónerkásip, mashina jasaý jáne t. b. salalary esebinen ósim 7% qurady.
Qara metallýrgiiada NKI 100,1% qurady.
Himiia ónerkásibinde júrgizilgen jańǵyrtýdan keiin óndiristik qýattar deńgeiin turaqtandyrý nátijesinde «QazAzot» AQ-da ammiak selitrasynyń óndiris kóleminiń 27% jáne ammiak óndirý kóleminiń 171%-ǵa ulǵaiýy esebinen óndiris kólemi 0,3%-ǵa ósti.
B. Atamqulov habarlaǵandai, mashinajasaý salasynda óndiris kólemi 25,4% ósti. Avtokólik quraldary, treilerler jáne jartylai tirkemeler 59,2%, basqa sanattarǵa engizilmegen mashinalar men jabdyqtar 15,6%, elektr jabdyqtary 11,4%, ózge de kólik quraldaryn jasaý 103,9%, mashinalar men jabdyqtardy jóndeý jáne ornatý 5,7%, kompiýterler jasaý 7,6% ulǵaidy.
«Farmatsevtika ónerkásibinde óndiris kólemi 24,2%-ǵa ósti. Jeńil ónerkásipte jalpy óndiris 13,9% ósti. Ol toqyma buiymdary óndirisiniń 13,4%, bylǵary jáne oǵan jatatyn ónimderdiń 12,4%, kiim óndirisiniń 11,3% ulǵaiýyna bailanysty boldy», — dedi indýstriia jáne infraqurylymdyq damý ministri.
Kólik salasy boiynsha naqty kólem indeksi 2020 jyldyń qańtar-sáýir ailary boiynsha 89% qurady.
«Koronavirýs pandemiiasyna bailanysty Qazaqstan Respýblikasynyń aýmaǵynda jolaýshylar avtobýs tasymaldary (onyń ishinde qalalyq jolaýshylar avtobýs tasymaldary), jolaýshylar poezdary, turaqty áýe qatynastary toqtatyldy. Keibir kásiporyndardy karantinge jabý kólik pen logistikaǵa da áser etedi, óitkeni jetkizý kólemin jáne tasymaldaýǵa tapsyrystardy tómendetedi», — dedi B. Atamqulov.
Bul rette, Qazaqstan arqyly konteinerlik tasymaldardyń jalpy kólemi ótken jyldyń sáikes kezeńimen salystyrǵanda 12%-ǵa ulǵaidy jáne 211,6 myń jiyrma fýnttyq balamany qurady.
Qurylys boiynsha naqty kólem indeksi 2020 jyldyń qańtar-sáýir ailary boiynsha 105,5% qurady. 13 óńirde oń dinamika baiqalady. Túrkistan (128,7%), Qaraǵandy (125,5%), Aqmola (118,9%), Atyraý (114,7%) jáne Batys Qazaqstan (111,6%) oblystary kósh basynda.
Turǵyn úi qurylysy boiynsha 2020 jyldyń qańtar-sáýir ailarynyń qorytyndysy boiynsha 3 112,5 myń sharshy metr turǵyn úi paidalanýǵa berildi. Ol 2019 jyldyń sáikes kezeńimen salystyrǵanda 89,9% qurady.
Vedomstvo basshysy atap ótkendei, elimizde sanitarlyq-epidemiologiialyq sharalardyń engizilýine bailanysty jeke jáne kóppáterli turǵyn úilerdi paidalanýǵa berý kóleminiń tómendeýi baiqalady. Turǵyn úide paidalanýǵa berý kóleminde jyldyq jospardyń oryndalýy 22,1% qurady.
Respýblika boiynsha barlyǵy 24 884 birlik baspana paidalanýǵa berildi. Turǵyn úidi paidalanýǵa berý kóleminiń ulǵaiýy ótken jylmen salystyrǵanda respýblikanyń 10 óńirde baiqalady. Turǵyn úidi paidalanýǵa berý boiynsha kóshbasshy óńirler - Almaty jáne Jambyl oblystary.
