Internet sapasy nashar 286 aýyldaǵy bailanys 3G standarttaryna sáikestendiriledi, dep habarlaidy QazAqparat.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin ortalyq kommýnikatsiialar qyzmetinde ótken baspasóz máslihatynda osyndai málimet aitty.
«Talshyqty optika symdary boiynsha 1250 aýyldyq mekenge internet jetkizildi. 928 aýylǵa mobildi internet tartyldy. Jalpy alǵanda, 5300 aýyldy mekende internet bar deýge bolady. Biraq olardyń ishinde áli 510 aýylda másele bar. Másele degenimiz, tek WhatsApp arqyly habarlama almasyp, jańalyqtar oqýǵa ǵana jaramdy internet tartylǵan. YouTube siiaqty resrýstardy padalanýǵa sai emes. Sondyqtan biz osy 510 aýyldy mekendi osy jyly qolǵa alyp, basqa satyǵa kóteremiz», - dedi vedomstvo basshysy.
Baǵdat Mýsin buǵan deiin halqynyń sany neǵurlym kóp aýyldardyń internetpen qamtylýyna kóp kóńil bólingen bolsa, endi shaǵyn aýyldarǵa da tiisti infraqurylym tartylatynyn aitty.
«2021 jyly 750 bazalyq stansa jańadan salynyp, 550 stansa jańartylady. Sonyń ishinde 286 aýyldaǵy bailanys 3G, 4G standarttaryna aýystyrylady. 51 aýyldy mekende internet jelisi spýtniktik transmissiiadan jerdegi optikalyq infraqurylymǵa aiyrbasatalady. Turǵyn sany 250 adamnan aspaityn 292 aýylǵa internet jetkiziledi», - dedi ministr.
