Foto: ashyq derekkóz
Búgingi tańda Qazaqstanda áýe kemeleriniń parki 104 birlikti quraidy, onyń ishinde 2025 jyldyń birinshi jartyjyldyǵynda jetkizilgen 6 jańa Airbus A320 tipti ushaǵy men 1 jańa Boeing 737 MAX 8 ushaǵy bar, dep habarlaidy Ult.kz.
Kólik vitse-ministri Maqsat Qaliaqparovtyń aitýynsha, 2030 jylǵa deiin park taǵy 103 ushaqpen tolyqtyrylady, bul 216 birlikke deiin arttyrýǵa múmkindik beredi.
«Biyl 36 jańa halyqaralyq marshrýt ashylyp, naryqqa 8 sheteldik aviakompaniia keldi. El ishinde 61 baǵyt boiynsha aptasyna 850 reis jasalady», — dep atap ótti Maqsat Qaliaqparov.
Elimizde kóliktik qoljetimdilikti qamtamasyz etý jáne áleýmettik mańyzy bar baǵyttardy qoldaý úshin Qazaqstannyń 9 oblysynda 21 sýbsidiialanatyn marshrýt jumys isteidi. Olardy júzege asyrýǵa 2025 jyly 6,4 mlrd teńge bólindi. Úsharal, Úrjar, Kókshetaý, Túrkistan jáne basqa da týristik baǵyttardy damytýǵa erekshe nazar aýdarylýda.
