Biyl bakalavriatqa 51 500, magistratýraǵa 13 500 grant beriledi. Bul týraly QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda biylǵy bakalavriat pen magistratýraǵa qansha grant bólinetindigi suraldy.
«Biylǵy memlekettik tapsyrysty uiymdastyrý boiynsha tiisti jumystardy atqaryp jatyrmyz. Jazda bakalavriatqa beriletin grant sany - 51 500, al magistratýraǵa beriletin garant sany 13 500-ge jetedi. Grantty alý konkýrsyna túsý úshin Ulttyq biryńǵai testileýden mindetti túrde ótip, tapsyrylǵan sertifikatty óz erkimen tiisti bazaǵa tirkep, konkýrsqa qatysady. Sonymen qatar, magistratýra boiynsha da eki jyldan beri biz ony UBT siiaqty testileý formatynda ótkizdik. Bunyń aldynda ár ýniversitet ózderi biletterin daiyndap, tapsyrmalaryn ázirlep, ózderi tekserip, sheshim qabyldaityn. Bunda ártúrli táýekelder boldy. Sondyqtan biz magistratýraǵa qabyldaý rásimin ózgerttik. Biyl magistratýra elektrondy formatta naqty testileýdiń nátijesinde, iaǵni ortalyqtandyrylǵan test nátijesinde ótkizilip, alǵan ball boiynsha grantty alýǵa múmkindigi bolady», - dedi ministr.
Budan buryn habarlanǵandai, QR Bilim jáne ǵylym ministri Ashat Aimaǵambetov UBT-ny elektrondy formatta uiymdastyrýǵa qatysty pikir bildirdi.
«Jalpy, Ulttyq biryńǵai testileýdiń formaty ózgermedi. Tek ony ótkizý protsedýrasy ǵana ózgerip otyr. Buǵan deiin testileý qaǵaz nusqada tapsyrylyp keldi, iaǵni jaýaptardy boiap otyrýǵa ýaqyt ketetin. Endi biyldan bastap elektrondy UBT-ǵa kóshemiz. Bul turǵyda ońtaily basymdyqtar barshylyq», - dedi ministr.
