Biyl Sybailas jemqorlyqqa qarsy is-qimyl agenttiginiń 2 qyzmetkeri jemqorlyq úshin sottalyp, bes ókili teris áreketi úshin jumystan bosatylǵan, dep habarlaidy QazAqparat.
Bul jaiynda agenttik tóraǵasy Oljas Bektenov vedomstvonyń alqa otyrysynda aitty.
«Antikor qyzmetkerleriniń moraldyq jáne kásibi kelbeti minsiz bolýy kerek. Qoǵam tarapynan synǵa sebep bolmaýy kerek. Qyzmetkerlerdiń zańǵa qaishy jáne ádepke jat qylyqtary týraly kez kelgen qarama-qaishylyqtary meniń jeke baqylaýymda bolady», - dedi Oljas Bektenov.
Agenttik basshysynyń málimetinshe, biyl 2 qyzmetker sybailas jemqorlyq qylmysy úshin sottalǵan. Tártiptik jaýapkershilikke tartylǵan 142 qyzmetkerdiń beseýi teris áreketi úshin jumystan bosatylǵan.
«Jaqyn arada agenttik óz qyzmetkerleriniń jemqorlyqqa tózimsizdigin tekserý úshin Integrity Check tetigin pilottyq synaqtan ótkizedi. Biz osy usynystyń bastamashysy retinde synaqty ózimizden bastaimyz. Jańa tásilderdi qoldana otyryp, óz qatarymyzdyń tazalyǵyn qamtamasyz etemiz», - dedi vedomstvo basshysy.
