Biyl almatylyq 1238 áiel saqtandyrý esebinen EKO jasata alady, dep habarlaidy "Ult aqparat".
Qazaqstanda ekstrakorporaldy uryqtandyrý protsedýrasynyń qoljetimdiligi artty. Buryn tegin meditsinalyq kómek sheńberinde ǵana jasalatyn joǵary tehnologiialyq qyzmettiń bul túri 2020 jyldan bastap meditsinalyq saqtandyrý paketine endi.
«Áleýmettik meditsinalyq saqtandyrý qory» KEAQ Almaty qalalyq filialynyń basshysy Tileýhan Ábildaevtyń aitýynsha, ekstrakorporaldy uryqtandyrý baǵdarlamasy 2010 jyldan bastap memlekettik tapsyrys boiynsha júzege asyrylyp keldi. Biyl elimiz boiynsha 7000-ǵa jýyq úmitker «Ańsaǵan sábi» arnaiy prezidenttik baǵdarlamasy sheńberinde EKO jasatyp, ata-ana baqytyn sezinýge múmkindik almaq.
«Máselen, 2020 jyly Almaty qalasynda 643 EKO jasalǵan. Oǵan 563 mln teńge bólindi. Biyl 1238 manipýliatsiia josparda. Oǵan qarastyrylǵan soma 2 ese artyp, 1,1 mlrd teńgeni qurap otyr», - dedi filial direktory.
Biyl ońtústik astana boiynsha atalǵan baǵdarlamaǵa 7 meditsina uiymy qatysyp jatyr. Olardyń bári de Meditsinalyq saqtandyrý qorymen kelisimshart bekitken:
- «Private clinic» JShS
- «Akýsherlik, ginekologiia jáne perinatologiia ǵylymi ortalyǵy» AQ
- «PERSONA» JShS
- «Ekomed» firmasy» JShS
- «Reprodýktivtik meditsina institýty» JShS
- «Klinika AMD» JShS
- «Nurai» EKO KLINIK JShS
EKO baǵdarlamasyna qatysý úshin tirkelgen emhanaǵa baryp arnaiy esepke turý qajet. Tiisti kórsetilimder bolǵan jaǵdaida dárigerler kvotaǵa kezekke qoiady. Kvota jergilikti qoǵamdyq densaýlyq sqataý basqarmasyndaǵy arnaiy komissiia sheshimimen beriledi.
Búgingi kúnge deiin, elimiz 22 myńnan astam sábi osy baǵdarlama negizinde dúnie keldi.
Jalpy, Qazaqstanda bedeýlik diagnozymen esepte turǵan áielder sany 11 myńnan asady.
