Almatyda tumaýǵa qarsy vaktsina egý bastaldy. Bul naýqan osy jyldyń 1 jeltoqsanynda aiaqtalady, dep habarlaidy "Ult aqparat".
Almatyda 430 myń turǵyndy tumaýǵa qarsy vaktsinalaý josparlanǵan.
Olardyń arasynda:
- 65 jastan asqan 264 652 adam;
- sozylmaly aýrýy bar 125 549 adam;
- jii aýyratyn 19 281 bala;
- 9 310 meditsina qyzmetkeri;
- Júktiliktiń 2-shi nemese 3-shi trimestrindegi 7 472 júkti áiel;
- Jetim balalar men ata-anasynyń qamqorlyǵynsyz qalǵan balalarǵa arnalǵan bilim uiymdarynyń, sábiler úiiniń 2 289 balasy;
- meditsinalyq-áleýmettik mekemeden qyzmet alatyn 1 447 adam bar.
«Qaýip tobyndaǵy adamdardy tegin vaktsinalaý úshin ár adam tirkelgen orny boiynsha emhananyń tirkeý bólimine habarlasyp, terapevtiń qabyldaýyna jazylýy qajet. Kataraldy qubylystardyń joqtyǵyn rastaý úshin terapevtiń tekserýinen ótken jón» delingen ákimdik taratqan habarlamada.
Qosymsha aqparat alý úshin 8 (727) 300-0505 nómirindegi call-ortalyqqa habarlasýǵa bolady.
Aita keteiik, tumaýǵa qarsy vaktsina JRVI aýrýynyń ósimin azaitý jáne tumaý virýsynyń, koronavirýs infektsiiasynyń taralýyna jol bermeý úshin qajet. Bul aýrý keiinnen pnevmoniiaǵa deiin asqynýy múmkin.
