2020 jyly 6,5 myńnan astam múmkindigi shekteýli adam «Eńbek» memlekettik baǵdarlamasyna qatysty, dep habarlaidy "Ult aqparat".
«2020 jylǵy qańtar-mamyr ailarynda 6,5 myń múgedektigi bar adam Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna qatysqandar quramyna qosyldy. Onyń ishinde turaqty jumys oryndaryna – 2 myńǵa jýyq adam, ýaqytsha jumysqa (áleýmettik jumys oryndary, jastar praktikasy, qoǵamdyq jumystar) 4,5 myń adam ornalastyryldy», - delingen Eńbek jáne halyqty áleýmettik qorǵaý ministrligi málimetinde.
«Eńbek» memlekettik baǵdarlamasy aiasynda 29 adam mikrokredit aldy, onyń 24-si jeke isin ashty, 106 adam grant aldy.
Sonymen qatar, «Halyqty jumyspen qamtý týraly» Zańǵa sáikes, jergilikti atqarýshy organdar eńbek jaǵdailary aýyr, ziiandy, qaýipti jumys oryndaryn esepke almaǵanda, múmkindigi shekteýli adam úshin jumys oryndaryna eki-tórt paiyz mólsherinde kvota belgileý arqyly halyqty jumyspen qamtý salasyndaǵy memlekettik saiasatty iske asyrýdy qamtamasyz etedi.
Zań normalaryn júzege asyrý kezinde Múgedekterge arnalǵan jumys oryndaryn kvotalaý qaǵidalary bekitildi. 2020 jyldyń 1-toqsanynyń qorytyndysy aiasynda kvota boiynsha 12 myń adamdy jumysqa ornalastyrý belgilengen, onyń ishinde 3 myń múgedek jumysqa ornalastyryldy (2019 jyly – 4 myń, 2018 jyly – 4,9 myń, 2017 jyly – 2,9 myń).
Biyl respýblikalyq biýdjetten kórý, estý qabileti jáne tirek-qimyl apparaty buzylǵan múgedekter úshin 31 arnaiy jumys ornyn qurýǵa 34,3 mln teńge qarastyrylǵan.
Esterińizge sala keteiik, Qazaqstanda 695 myń múgedek turady, onyń ishinde 424 myńy eńbekke qabiletti jasta (61%), 112 myń adam jumys isteidi.
