Bishkektiń Sverdlov aýdandyq soty 13 jastaǵy qyzdy zorlady degen militsiia qyzmetkerlerine qatysty úkim shyqty, dep habarlaidy Azattyq.
Oǵan sáikes, eki militsiia qyzmetkeri 15, bul iske qatysy bar degen bir adam 10 jylǵa bas bostandyǵynan aiyryldy. Budan bólek sottalýshylardyń árbiri jábir kórgen tarapqa 100 myń somnan ótemaqy tóleýi tiis.
"Biz jábirlenýshiniń áke-sheshesimen sóilestik. Shyqqan úkimge narazy emespiz. Bul biz suraǵan aiyptaý baptarynyń sanktsiialarynda kórsetilgen maksimaldy jaza", - dedi jábirlenýshi taraptyń advokaty Timýr Sýltanov.
Memlekettik aiyptaýshylar sottan eki militsiia qyzmetkerine 15 jyl, taǵy bir aiyptalýshyǵa 13 jyl jaza suraǵan.
Sot otyrysy jabyq esik jaǵdaiynda ótti.
2 shildede Azattyqtyń Qyrǵyz qyzmeti jetkinshekti zorlaý oqiǵasy boiynsha maqala jariialaǵan. Osy maqaladan keiin Bishkekte áiel jáne balalarǵa qarsy zorlyq-zombylyqty toqtatýdy talap etken aktsiialar ótti.
Dúniejúzindegi áielderdiń qaýipsizdigi jáne baqýaty boiynsha álemdik indekste (WPS) Qyrǵyzstan 2021 jyly qaýipti elderdiń qataryna kirgen.
