Foto: kazpravda.kz
Qýandyq Bishimbaevtyń burynǵy áieli Nazym Qaharman marqum Saltanat Núkenovanyń týǵan-týystaryna kóńil aitty. Ol uzaq únsiz qalýynyń sebebin "bolǵan jaitty oi eleginen ótkizýge ýaqyt qajet boldy" dep túsindirdi. Bul týraly Sputnik Qazaqstan habarlady.
"Men únsizdikti úzýdi jón kórdim. Saltanattyń qaiǵyly qazasynan beri 40 kún ótti. Maǵan jáne balalarǵa bolǵan jaitty saralap, oi eleginen ótkizý úshin ýaqyt qajet boldy", - dep jazdy ol áleýmettik jelidegi paraqshasynda.
Nazym Qaharman marqumnyń týǵan-týystaryna kóńil aitty.
"Balalar jáne men Saltanattyń otbasynyń orny tolmas qazasyna shyn júrekten kóńil aitamyz. Men ony jeke tanymadym, biraq balalar onymen dos bolyp, ony jarqyn, meiirimdi jáne óte janashyr adam retinde eske alady.
Bul qaiǵyly oqiǵa - munyń bárin olarǵa tirek jáne úlgi bolýy tiis jaqyn adam jasaǵanymen odan da azapty. Bul óte qorqynyshty, uiat jáne adam tózgisiz azap.
Saltanattan aiyrylǵan onyń týystarynyń qaiǵysymen salystyrýǵa kelmegenimen, meniń balalarym óz bastarynan ótken qiynshylyqtarǵa qaramastan árqashan jaqsylyq pen igiliktiń jaǵynda bolatynyna senemin jáne muny bilemin", - dep jazdy ol.
Aita keteiik, burynǵy Ulttyq ekonomika ministri Qýandyq Bishimbaev jubaiynyń óliminen keiin ustaldy.
Soqqyǵa jyǵylǵan Saltanat Núkenova elordadaǵy meiramhanalardyń birinde kóz jumdy.
Birqatar BAQ-tyń habarlaýynsha, Núkenova dene jaraqatymen meiramhanada jatyp, tańǵy ýaqyttan saǵat 16.00-ge deiin meditsinalyq kómeksiz baiaý jan tapsyrǵan. Osydan keiin jedel járdem shaqyrylǵanymen, ol qaitys bolǵan.
Bishimbaev 2018 jyly sybailas jemqorlyqqa qatysy bar degen aiyppen 10 jylǵa sottalyp, 2019 jyly shartty túrde merziminen buryn bosatylǵan.
Sońǵy qaiǵyly oqiǵadan keiin burynǵy ministr 2 aiǵa qamaýǵa alyndy.
Al Bishimbaevtyń qaitys bolǵan áieliniń týystary ony keshirmeitinderin aitty.
