Rio-de-Janeiroda ótip jatqan HHHI Olimpiada oiyndarynda bokstan 49 keli salmaq dárejesinde óner kórsetetin qazaq boksshysy Birjan Jaqypov alǵashqy jekpe-jeginde namibiialyq Mattias Hamýneldy aiqyn basymdylyqpen utty, dep habarlaidy "Ult aqparat".
Úsh raýndqa sozylǵan tartysty básekede qazaq boksshysy óz áleýetiniń qarsylasynan myqty ekenin dáleldedi.
Endi Birjan kelesi ainalymda ózbek boksshysy Hasanboi Dýsmatovpen qolǵap túiistiredi. Eki boksshy buryn ózara úsh ret kezdesip, onyń ekeýinde jerlesimiz jeńse, bireýinde jeńilis tapqan eken.
32 jastaǵy otandasymyz Olimiada oiyndaryna osymen úshinshi ret qatysyp otyr. Bul joly júldeli orynǵa qol jetkizedi dep senemiz.
Ult portaly
