QR Densaýlyq saqtaý ministri Eljan Birtanovtyń densaýlyǵy ortasha aýyr dep baǵalanyp otyr. Bul týraly QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy "Ult aqparat".
«Eljan Birtanov statsionarlyq em alyp jatyr. Jaǵdaiy ortasha aýyr dep baǵalanady. Ol hattamaǵa sáikes em alý ústinde. Onyń tezirek saýyǵyp ketýine tilekshimiz», - dedi ol Ortalyq kommmýnkatsiialar qyzmetindegi brifingte.
Eske sala ketsek, osydan biraz kún buryn Densaýlyq saqtaý ministri Eljan Birtanov Facebook paraqshasynda koronavirýs juqtyrǵanyn habarlaǵan edi.
12 maýsymda QR Premer-Ministri Asqar Mamin Jambyl oblysyna jumys saparymen baryp qaitqan. Onda Densaýlyq saqtaý ministri E. Birtanov ta bolǵan. Osyǵan bailanysty Úkimet basshysy oqshaýlanýǵa májbúr bolyp otyr. Áriptesterimen birge Bilim jáne ǵylym ministri Ashat Aimaǵambetov, Aýyl sharýashylyǵy ministri Saparhan Omarov pen QR Ekologiia, geologiia jáne tabiǵi resýstar ministri Maǵzum Myrzaǵaliev, Qarjy ministri Erulan Jamaýbaev óz úilerinde oqshaýlandy.
