Koronavirýs juqtyrǵan 302 naýqastyń ishindegi ekeýi – 14 jasqa deiingi bala. Bul týraly eldegi koronavirýstyq infektsiia boiynsha aǵymdaǵy jaǵdai jaily onlain brifingte aityldy, dep habarlaidy "Ult aqparat".
«Qazirgi ýaqytta jalpy koronavirýspen aýyratyn 302 jaǵdai tirkeldi. Onyń basym bóligi Nur-Sultan qalasynda – 169, Almatyda – 73, Atyraý oblysynda –12, Qaraǵandy qalasynda – 13, Almaty oblysynda – 8, Aqmola oblysynda – 8, Jambyl oblysynda – 3, Shymkent qalasynda – 2, Shyǵys Qazaqstan oblysynda – 2, Qyzylorda oblysynda – 5, Batys Qazaqstan oblysynda – 2, Aqtaý oblysynda – 2, Soltústik Qazaqstan oblysynda – 1, Pavlodar oblysynda – 1, Mańǵystaý oblysynda – 1 naýqas tirkeldi. 302 naýqastyń ishindegi ekeýi – 14 jasqa deiingi bala. Naýqastardyń arasynda 79-y - basqa memleketterden kelip aýyrǵan azamattar, 97 naýqas - basqa aýrýlarmen qarym-qatynasta bolǵandar jáne 131-i - osy elde aýyrǵan, qaidan juqtyrǵany belgisiz naýqastar», - deidi QR Densaýlyq saqtaý ministri Eljan Birtanov.
Búginnen bastap memlekettik komissiia barlyq óńir boiynsha karantin sharalaryn kúsheitýdi tapsyrdy.
