Pavlodarlyq oqýshy pnevmatikalyq tapanshamen oq atyp jurttyń záresin ushyrdy, dep habarlaidy "Ult aqparat" Ravlodarnews.kz-ke silteme jasap.
Úiinde pnevmatikalyq pistolet taýyp alǵan 12 jasar oqýshy aýlaǵa atýǵa ketken.
Oblystyq PD baspasóz qyzmetiniń málimetinshe, Kataev kóshesi, 44/5 úidiń aýlasynda atysqa uqsas dybystardy estigen kórshiler politsiia shaqyrǵan.
Biz 12 jastaǵy oqýshynyń 29 jastaǵy aǵasyna tiesili shkaftan pnevmatikalyq tapansha tapqanyn anyqtadyq. Sodan keiin úidiń aýlasynda bos syra bótelkelerin jinap, olardy atýdy bastaǵan. «MR-53m» markaly tapansha pnevmatikalyq qarý bolyp tabylady jáne erkin ainalymda satylady, - dedi PD bastyǵynyń mindetin atqarýshy Jasqairat Qaiyrov.
Kámeletke tolmaǵan balamen jáne onyń ata-anasymen osyndai faktilerge jol bermeý jáne qarýdy balalardyń qoly jetpeitin jerde saqtaý týraly profilaktikalyq áńgime júrgizildi.
