Keshe keshkisin Qulja trassasynyń boiynda ekobeketke jetpei, jappai jol apaty bolyp, «Jedel járdem» kóligi aýdarylyp qaldy, – dep habarlaidy «Ult aqapart».
Kýágerlerdiń aitýynsha, Nissan Maxima jáne Lexus GS300 avtokólikteri Qulja trassasynyń boiymen soltústik baǵytta kele jatqan. Alda keptelis paida bolyp, Maxima toqtaidy. Al Lexus arnaiy jolaqqa shyǵyp ketedi, bul kezde naýqas mingen jedel járdem kóligi ońtústik baǵytta kele jatqan.
Leksýs arnaiy jolaqqa shyǵyp, jedel járdem kóligine soqtyǵysady.
Jedel járdem júrgizýshisi apatty boldyrmaýǵa tyrysqanymen, nátije bolmaǵan. Saldarynan Lexus jedel járdemge bar jyldamdyqpen soqtyǵysty. Arnaiy kólik aýdarylyp qalyp, kepteliste turǵan Nissan Maxima kóligin soǵyp ketti.
Atalǵan jol apaty saldarynan úsh adam zardap shekti: jedel járdem kóliginde bolǵan naýqas pen feldsher jáne Lexus júrgizýshisi. Úsheýi de túrli dene jaraqatymen aýrýhanaǵa jetkizildi.
Apattyń mán-jaiy anyqtalyp jatyr.
