Sybailas jemqorlyqqa qarsy qyzmet QR Ishki ister ministrliginiń Qylmystyq-atqarý júiesi komitetiniń jeke qaýipsizdik qyzmetimen birlesip elimizdiń birqatar aimaqtarynda sybailas jemqorlyq qylmystaryn jasaý kúdikteri boiynsha qylmystyq-atqarý júiesi qyzmetkerlerine qatysty sotqa deiingi tergeý jumystaryn bastady, dep habarlaidy "Ult aqparat" Sybailas jemqorlyqqa qarsy is-qimyl agenttigine silteme jasap.
Sonymen, Aqmola oblysynda tergeý jolymen anyqtalǵan ETs-166/18 mekemesi bastyǵynyń tártiptik-jedel jumystar jónindegi orynbasary, ádilet maiorynyń sottalǵan adamǵa qamqorlyq jáne qolaily jaǵdai jasaý úshin azamattan 400 myń teńge kóleminde para alý faktisi (Qiwi elektrondy ámiianyna aýdarý arqyly) tekserilýde.
Qaraǵandy qalasynda oblystyń Qylmystyq-atqarý júiesi departamentiniń basshylyǵymen birge AK-159/1 mekemesiniń baqylaýshysy sybailas jemqorlyq qylmysyn jasady degen kúdikpen áshkerelendi.
Ol 20 myń teńge kólemindegi aqshalai syiaqy úshin sottalýshyǵa marihýana jáne uialy telefon ótkizý arqyly óziniń qyzmettik ókilettikterin asyra paidalandy dep kúdiktelýde.
Kúdiktilerdiń óz kinásin moiyndaýyna jáne kelý týraly mindettemesin berýine bailanysty olarǵa qatysty protsessýaldyq ustaý qoldanylǵan joq.
