Úsh aidyń ishinde balalardy 1-synypqa qabyldaýǵa 320 myńǵa jýyq ótinish túsip úlgerdi. Onyń ishinde balalardyń 70%-ǵa jýyǵy memlekettik tilde oqýdy tańdady, dep habarlaidy "Ult aqparat" BǴM baspasóz qyzmetine silteme jasap.
"Birinshi synypqa qabyldaý 1 sáýirde bastalǵan bolatyn. Al qujattardy qabyldaý merzimi 2022 jylǵy 1 tamyzda aiaqtalady. Azamattarǵa yńǵaily bolý úshin Oqý-aǵartý ministrligi qyzmetti avtomattandyrdy jáne qujattar egov.kz veb-portaly arqyly qabyldanady. Sondai-aq ata-analar qujattardy dástúrli qaǵaz formatynda da tapsyra alady" - delingen habarlamada.
«Ata-analarǵa qujattardy tezirek tapsyrýǵa keńes beremiz, óitkeni qabyldaý 1 tamyzda aiaqtalady. Al 1 tamyzdan bastap mektepterde oqý-tárbie úrdisin sapaly josparlaý men uiymdastyrý, oqýlyqtardy taratý, synyptardy qalyptastyrý jáne basqa da uiymdastyrý jumystary bastalady. Qujat qabyldaý bastalǵanyna úsh ai ótti jáne osy ýaqyt ishinde 320 myńǵa jýyq ótinish tústi. Onyń 82%-y elektrondy formatta qabyldandy. Sonymen qatar memlekettik tilde bilim alǵysy keletinderdiń úlesi búginde 70%-ǵa jýyqtady. Qazaq tilinde oqytatyn synyptarǵa qabyldaý boiynsha eń joǵary kórsetkishter Qyzylorda (92,4%), Túrkistan (89%) jáne Mańǵystaý (87,1%) oblystarynda tirkeldi», - dedi QR Oqý-aǵartý ministrligi Mektepke deiingi jáne orta bilim komitetiniń tóraǵasy Gúlmira Kárimova.
Jańa oqý jylynda 400 myńnan astam bala 1-synypqa barady dep kútilip otyr.
