Birinshi synyp oqýshylarynyń qujattaryn qabyldaý 1 sáýirde bastalyp, 1 tamyzǵa deiin jalǵasady, dep habarlaidy "Ult aqparat" QR Bilim jáne ǵylym ministrligine silteme jasap.
Vedomstvonyń málimdeýinshe, bul – bilim berý protsesine qatysýshylarǵa yńǵaily bolý úshin qabyldanǵan sheshim.
«Ata-analar mektepti aldyn-ala anyqtap, oqýǵa qajetti qujattardy ýaqytyly tapsyrady, sondai-aq balalardy oqý quraldarymen qamtamasyz etedi.
Mektep basshylyǵy synyptardy jinaqtap, qajetti oqýlyqtardy aldyn ala satyp alady. Sonymen qatar pedagogter quramyn anyqtap, saǵat sanyn bóledi», delingen habarlamada.
Ótinishti egov.kz arqyly berýge bolady. Qajetti qujattar tizimi:
Ata-ananyń ótinishi (nemese olardy almastyratyn tulǵalar);
Balanyń týý týraly kýáliginiń kóshirmesi;
«Bala densaýlyǵy pasporty» 026/ý-3 nysany boiynsha densaýlyq jaǵdaiy týraly qujat;
063/ý nysany boiynsha densaýlyq jaǵdaiy týraly qujat;
3h4 kólemindegi 2 foto.
Ótinish bir jumys kúni ishinde qarastyrylady.
