«Birgemiz» qoryna qosymsha taǵy 4 mlrd teńge tústi. Bul qarajat asa muqtaj otbasylarǵa kómek kórsetýdi jalǵastyrýǵa múmkindik beredi, dep habarlaidy "Ult aqparat".
Qor tóraǵasy Rýslan Sakeevtiń málimdeýinshe, qarajat qoǵam ómirine beijai qaramaityn tórt azamattan túsken. Olar óz esimderin atamai-aq qoiýdy qalaǵan. Jalpy, Elbasynyń úndeýine qoldaý bildirgen metsenattardyń arqasynda «Birgemiz» qorynyń esepshotynda 28,5 mlrd. teńgeden astam qarajat jinaqtalǵan.
Tuńǵysh Prezidenttiń tapsyrmasy boiynsha osy qarajat esebinen búgingi tańda 470 myńnan astam otbasy nemese 1,6 mln qazaqstandyq ataýly kómekpen qamtyldy. 23 qalanyń jáne olarǵa irgeles aýyldar men eldi mekenderdiń asa muqtaj otbasylary 50 myń teńgeden birjolǵy tólemaqy aldy.
Sonymen birge koronavirýspen kúreske jumyldyrylǵan 2 myńnan astam meditsina qyzmetkeri de qor qarajatynan 50 myń teńgeden aldy.
«Jas Otan» volonterlary qorǵanysy álsiz 100 myńnan astam otbasyǵa «Birgemiz» qorynyń qarajatyna satyp alynǵan 5 million maskany tegin jetkizip berdi.
Sonymen qatar Nursultan Nazarbaevtyń bastamasy boiynsha Túrkistan oblysynyń Maqtaaral aýdanynda sý basýdan zardap shekken Dostyq aýylynyń turǵyndaryna arnalǵan jańa úilerdiń qurylysy júrgizilip jatyr.
Aita ketsek, «Birgemiz» qory Elbasy Nursultan Nazarbaevtyń bastamasymen halyqtyń áleýmettik jaǵynan álsiz tobyna qoldaý kórsetý úshin qurylǵan.
