Illiýstratsiialyq foto: elements.envato.com
Qyzylordada 12-14 jastaǵy jasópirimder ekinshi synyp oqýshysyn zorlap kelgen. Bul týraly qoǵam belsendisi Dina Tańsári Facebook-paraqshasynda jazdy, - dep habarlaidy Tengrinews.kz agenttigi.
Quqyq qorǵaýshy Dina Tańsáriniń aitýynsha, "NeMolchiKz" qoryna habarlasqan er adam ekinshi synypqa endi ǵana qadam basqan týysyn 12-14 jas aralyǵyndaǵy bir top jetkinshek bir jyl boiy zorlap kelgenin aitqan.
"Anasy bul sumdyq oqiǵa týraly kezdeisoq bilgen. Ol úlken uly (jábirlenýshi, 8 jasta) inisin (kishisi 6 jasta) jynystyq áreketterge májbúrlegenin estip qalǵan. Anasy birden bul týraly qaidan bilgenin, ony kim úiretkenin suraǵan. Bala jylap, bárin aityp bergen. Bári biyl 6 mamyrda belgili bolǵan.
Bala oinaýǵa shyqqanda, ony joǵary synyp oqýshylary eski ǵimaratqa aparyp, sol jerde ádepsiz áreketter jasaýǵa májbúrlegen. Olar basqa mekteptiń balalary. Jábirlenýshi bala báriniń aty-jóni men qaida turatynyn biledi", - deidi belsendi.
