Áleýmettik jelide bir top qyzdyń ózge boijetkendi aiaýsyz uryp-soqqan videosy tarady, dep habarlaidy ult.kz.
Kadrdan birneshe adamnyń jábirlenýshini julmalap, shashynan súirep, toqtaýsyz sabaǵany jáne ony kameraǵa túsirgeni kórinedi.
Jeli qoldanýshylarynyń ashýyn týdyrǵany – oqiǵaǵa qatysýshylardyń biri bul jazbaǵa áýen qosyp, internetke ózi júktegen. Keiin avtor videony óshirgenimen, ony basqa adamdar kóshirip alyp, ári qarai taratyp úlgergen.
Jurtshylyq oqiǵa qatysýshylardy anyqtaýdy jáne qatań jaýapqa tartýdy talap etti. Pikir qaldyrǵandardyń biri politsiiaǵa aryz jazǵanyn málimdedi. Redaktsiia oqiǵa qaida bolǵanyn jáne istiń tirkelgen-tirkelmegenin bilý úshin politsiiaǵa saýal joldady. Ázirge resmi jaýap túsken joq.
