Almatyda ótken táýlikte 450 adamnan koronavirýs infektsiiasy anyqtaldy. Jyl basynan beri qaýipti indetti 13 myńnan astam turǵyn juqtyrǵan. 2020 jyly 18 521 jaǵdai tirkeldi, dep habarlaidy "Ult aqparat".
Almaty qalasynyń sanitarlyq-epidemiologiialyq baqylaý departamentiniń habarlaýynsha, turǵyndar arasynda infektsiia juqtyrý qarqyny joǵary. sonymen qatar, megapoliste britandyq jáne ońtústik afrikalyq koronavirýs shtamdaryna tán mýtatsiialar anyqtaldy.
Jańa shtamdardyń kontagiozy joǵary. Aldyńǵy bazalyq shtammen salystyrǵanda jańa shtammdardyń juqtyrý kórsetkishi 70%-ǵa deiin joǵary. Iaǵni, bul infektsiia óte juqpaly.
Sonymen qatar, KVI simptomsyz formalaryn tirkeýde 2020 jyly 39%-dan 2021 jyly 32%-ǵa deiin tómendeý baiqalady.
Naýryz aiynyń 3 aptasynda koronavirýs infektsiiadan eń kóp zardap shekken – 20-39 jas aralyǵyndaǵy azamattar - 38% jáne 40-59 jastaǵy adamdar - 27%, sondai-aq 60 jastan asqandar - 20%.
Taldaý nátijeleri boiynsha biylǵy jyldyń naýryz aiynyń 3 aptasynda infektsiianyń juǵýy myna oryndardan bolýy múmkin: qoǵamdyq oryndarǵa barǵanda (saýda, qoǵamdyq tamaqtaný) - 42%, sońǵy aptada - 41% -1% tómendeý; qoǵamdyq kólikpen júrgende - 18%; otbasylyq sharalar.
Qalada qalyptasqan epidemiologiialyq jaǵdaidy eskere otyryp, Almaty qalasynyń ákimdigi KVI-diń aldyn alýdy kúsheitýge shaqyrady. Maska rejimin, áleýmettik araqashyqtyqty saqtaý, qoǵamdyq oryndarǵa barýdan aýlaq bolý jáne adamnyń kóp jinalýyn boldyrmaý, sondai-aq áleýmettik bailanysty azaitý qajet.
