Qaraǵandy turǵyny óziniń sýretin ruqsatsyz áleýmettik jelige jariialaǵan er adamnan moraldyq ótemaqy óndirip aldy. Bul týraly Qaraǵandy qalasy Qazybek bi aýdandyq №2 sotynyń baspasóz qyzmeti habarlady, dep jazady ult.kz
Áiel óz sýretin 20 aqpanda Instagram jelisinen kezdeisoq kórgen. Sýret er adamnyń paraqshasynda jariialanyp, onda áieldiń tegi kórsetilgen jáne «500 000 teńge» degen jazý bolǵan.
Osydan keiin qaraǵandylyq áiel er adamǵa sotqa deiingi talap-aryz joldap, jariialanymdy óshirýdi jáne moraldyq ziian úshin 250 myń teńge tóleýdi talap etken. Alaida másele sheshilmegen soń, sotqa júgingen.
Jaýapker talapty moiyndamaǵan. Ol sotta sotqa deiingi talapty alǵannan keiin, 30 naýryzda sýreti bar jariialanymdy óshirgenin aitqan.
Sotta sýrettiń áieldiń kelisiminsiz jaýapkerdiń ashyq paraqshasyna ornalastyrylǵany jáne uzaq ýaqyt boiy kópshilikke qoljetimdi bolǵany anyqtaldy.
Nátijesinde sot talapty ishinara qanaǵattandyrdy. Jaýapkerden talapkerdiń paidasyna 100 myń teńge moraldyq ótemaqy, sondai-aq sot shyǵyndary óndirildi.
Er adam sot sheshimine shaǵym túsirgen. Alaida Qaraǵandy oblystyq sotynyń azamattyq ister jónindegi sot alqasy birinshi instantsiianyń sheshimin ózgerissiz qaldyrdy.
