Foto: ummet.kz
Qaraǵandy oblysynda anasynyń qabirine qatysty daý boiynsha sot eksgýmatsiia júrgizýge ruqsat berdi. Apelliatsiialyq sottyń bul sheshimi taraptar arasyndaǵy kópten bergi daýǵa núkte qoiýy múmkin, dep habarlaidy “Astana” telearnasy.
Advokat Baýyrjan Izdeleýovtiń aitýynsha, eksgýmatsiia men DNQ saraptamasyna qatysty shyǵyndardy talap qoiýshy tarap óz esebinen kóteredi.
Buǵan deiin Qaraǵandydaǵy bir ziratqa bailanysty eki otbasynyń arasynda daý týyndaǵany belgili bolǵan. Aigúl Jamilenova 2024 jyly anasy jerlengen qabirge keiin beitanys qulpytas pen qorshaý qoiylǵanyn aityp, sotqa júgingen. Onyń aitýynsha, bul oryn basqa adamnyń jerleý orny bolyp shyqqan.
Ekinshi tarap bul qabirdi óz týysyna tiesili dep esepteidi, alaida naqty dálelder men kýágerlerge qatysty qaishylyqtar bar.
Sot ekinshi taraptyń qarsylyǵyna qaramastan eksgýmatsiia men DNQ saraptamasyn júrgizýge ruqsat berdi. Qorǵaýshy tarap bul sheshim daýdyń túpkilikti sheshilýine múmkindik beredi dep otyr.
