Elimizde internet arqyly alaiaqtyq jasaǵan 261 kúdikti anyqtaldy. Bul týraly QR IIM Kriminaldyq politsiia departamenti bastyǵynyń orynbasary Qanat Nurmaǵambetov aitty, dep habarlaidy QazAqparat.
«Internet-alaiaqtyqtyń aldyn alý jáne ashý, olardy jasaǵan tulǵalardy anyqtaý ári ustaý úshin respýblika aýmaǵynda 8-14 qarasha kúnderi «Hai-tek» jedel aldyn alý is-sharasy ótkizildi. Búgin onyń nátijeleri týraly málimettermen bólispekpin. Jedel aldyn alý is-sharasy ótkizilgen 7 kúnniń ishinde shamamen 300 qylmys tirkeldi», - dedi ol IIM baspasóz alańynda ótken brifingte.
Onyń atap ótýinshe, is-shara barysynda buǵan deiin jasalǵan 440 internet-alaiaqtyq áshkerelendi.
«Jedel aldyn alý is-sharasy ótkizilgen kezeń ishinde mundai qylmys jasaǵan 261 tulǵa anyqtaldy. Onyń ishinde 2-den kóp qylmys jasaǵan 34 alaiaq ustaldy. Olar 287 internet-alaiaqtyq jasaǵan», - dedi Qanat Nurmaǵambetov.
