Bir apta ishinde elimizdiń aýmaǵynda 3 190 qylmys jasaldy. Bul týraly QR Ishki ister ministriniń resmi ókili Nurdildá Oraz málim etti, dep habarlaidy QazAqparat.
Resmi ókildiń dereginshe, ótken apta ishinde respýblika aýmaǵynda 3 190 qylmys jasalǵan. Onyń 2 166-syn quqyq qorǵaý organdarynyń qyzmetkeri bir táýliktiń ishinde áshkerelegen.
«Politsiia qyzmetkerleri «izin sýytpai» 7 kisi óltirýdi, 7 ólimge ákep soqqan densaýlyqqa qasaqana aýyr ziian keltirý, 34 tonaý jáne 457 bóten múlikti urlaý qylmystaryn ashty», - dedi Nurdildá Oraz ministrliktiń baspasóz qyzmeti alańynda ótken brifing barysynda.
