1 apta ishinde elimizdiń aýmaǵynda 3 myń qylmys jasaldy. Bul týraly QR IIM baspasóz qyzmetiniń ókili Shuǵyla Turlybek aitty, dep habarlaidy QazAqparat.
«Bir apta ishinde elde 3004 qylmys jasaldy. Onyń 2055-i táýlik ishinde ashyldy», - dedi ol QR IIM baspasóz alańynda ótken brifing barysynda.
Shuǵyla Turlybektiń dereginshe, politsiia qyzmetkerleri «izin sýytpai» 8 kisi óltirýdi, 11 ólimge ákep soqqan densaýlyqqa qasaqana aýyr ziian keltirýdi, bir qaraqshylyq, 44 tonaý jáne 489 bóten múlikti urlaý qylmystaryn ashty.
Sonymen qatar ol «Qazaqstan Respýblikasy Ishki isterministrliginiń úzdik tergeýshisi, anyqtaýshysy jáne kriminalisi» baiqaýynyń jeńimpazdaryn marapattaý is-sharasy ótkizilgendigin atap ótti.
«Baiqaý nátijesinde óz sanaty boinsha myna qyzmetkerler úzdik shyqty: Aqmola oblystyq PD aǵa tergeýshisi Arman Qojahmetov, Qyzylorda oblystyq PD Jańaqorǵan bóliminiń aǵa anyqtaýshysy Baqytjan Ábjalov jáne Jambyl oblystyq PD-niń kriminalisi Erjan Ótebaev», - dedi Shuǵyla Turlybek.
