Microsoft negizin qalaýshy Bill Geits COVID-19 jańa shtamdarynyń paida bolýyna bailanysty vaktsinanyń úshinshi dozasy qajet bolýy múmkin ekenin málimdedi, - dep habarlaidy WTRF portaly.
Bul týraly kásipker amerikalyq CBS telearnasyna bergen suhbatynda aitty. Milliarder mundai boljamdardy vaktsinalar Ońtústik Afrika men ulybritaniialyq shtamdardyń aldyn alýda tiimsiz bolǵandyqtan aitty. Geitstiń sózinshe, AQSh-ta qazir vaktsina bolashaǵy týraly suraqtar talqylanyp jatyr.
"Eki ret egilgen adamdarǵa úshinshisi qajet bolýy múmkin. Meniń oiymsha, koronavirýstyń bul shtamdary elge jetkende, olardan qorǵalatynymyzǵa senimdi bolý úshin bizde vaktsinanyń jetildirilgen túri bolýy múmkin", - dedi Geits.
