«Nur Otan» partiiasynyń sailaýaldy úgit-nasihat jumystarynyń aiasynda oblystyq máslihattyń depýtattyǵyna kandidat Úmitbek Rysbekov Talas aýdanynyń Qarataý qalasynyń turǵyny, ardager ustaz Aidos Arǵynbaevtyń shańyraǵynda boldy. Kezdesý barysynda Úmitbek Rysbekov Aidos Qadyráliulyna «Nur Otan» partiiasynyń sailaýaldy baǵdarlamasynda urpaq tárbiesine kóńil bólý, ustazdardyń áleýmettik qamtamasyz etýge airyqsha basymdyq berilgenin aitty.
- «Nur Otan» partiiasy qashanda bilim salasyn nazardan shet qaldyrmaidy. Máselen partiianyń sailaýaldy baǵdarlamasyna sai aldaǵy 5 jylda óńirdegi úsh aýysymdy 9 mekteptiń, apattyq jaǵdaidaǵy 2 mekteptiń ornyna jańa ǵimarattyń qurylysy qolǵa alynyp, 77 mektep kúrdeli jóndeýden ótedi. Sonymen qatar qosymsha bilim berý uiymdar jelisin keńeitýge kóńil bólinip, 2023 jyly Taraz qalasynda Oqýshylar saraiy paidalanýǵa beriledi.
Aýyl mektepteriniń materialdyq-tehnikalyq bazasyn nyǵaitýǵa basymdyq berý de partiianyń jiti nazarynda. «Nur Otan»-nyń yqpalymen 2025 jylǵa deiin aýyldarda ornalasqan orta mektepter himiia, biologiia, fizika pánderine arnalǵan 297 jańa modifikatsiialy kabinetpen jabdyqtalatyn bolady, – dedi Ú.Rysbekov.
Óz kezeginde, ardager ustaz oblystyq máslihattyń depýtattyǵyna «Nur Otan» partiiasynyń atynan kandidattyń keltirgen mysaldaryn dáiekti ekenin alǵa artyp, eldiń baiandy bolashaǵy úshin óziniń azamattyq belsendiligin tanytýǵa daiyn ekenin jetkizdi.
«Nur Otan» partiiasy Jambyl oblystyq Sailaý qorynyń qarajatynan tólendi
