Bilim jáne ǵylym ministrligi qazaqstandyqtardy ustazdaryn kásibi merekesimen quttyqtap, ministrliktiń Instagram paraqshasyna videoquttyqtaý joldaýǵa shaqyrdy, dep habarlaidy "Ult aqparat".
«Muǵalimniń qoǵamdaǵy mártebesi - kez kelgen memlekettiń búgini men bolashaǵynyń aiqyn kórsetkishi. Ustazdarymyzǵa bilim berý men tárbieleý isine qosqan ólsheýsiz úlesteri jáne kásipke degen adaldyqtary úshin shyn júrekten alǵys bildiremiz! Qurmetti oqyrmandar! Muǵalimder kúni qarsańynda ustazdaryńyzǵa arnalǵan jyly lebizderińizdi joldai alasyzdar. Ol úshin beine quttyqtaýlaryńyzdy Instagram jelisinde @edu_news_kz paraqshasyn belgilep, #Ustazyma_Myń_Alǵys nemese #Spasibo_Vam_Ýchitel heshtegterin paidalana otyryp jariialaý qajet», - dep habarlady ministrlik.
Erekshe quttyqtaýlar Bilim jáne ǵylym ministrliginiń Instagram paraqshasynda jariialanady.
Úndeýge alǵashqylardyń biri bolyp Memlekettik syilyqtyń iegeri, ánshi Súndet Baiǵojin ún qatty.
«Muǵalimderdi kásibi merekelerimen shyn júrekten quttyqtaimyn! Balalarymyzdyń tárbiesine qosqan baǵa jetpes úlesterińiz úshin jáne tańdaǵan mamandyqtaryńyzǵa degen adaldyqtaryńyz úshin alǵys aitamyz. Sizderge shydamdylyq tanytqandaryńyz jáne tynymsyz eńbekterińiz úshin bas iemiz. Kásibi mereke sizderge jaqsy kóńil-kúi syilap, áriptesterińiz ben oqýshylaryńyzdan jyly tilekter men quttyqtaýlar kóp bolsyn. Sizderge myqty densaýlyq jáne jumystaryńyzda sáttilik tileimin!» - dedi ol.
